“I’LL BRING you home.”
Hindi nilingon ni Margarette si Logan. Nagtuloy-tuloy siya sa paglalakad palabas ng venue ng party. Nang matauhan siya ay kumalas siya mula sa pagkakayakap nito at sinabing kailangan na niyang umuwi. Hindi na yata niya kakayaning mapalapit pa rito nang husto. Baka tuluyan na siyang makalimot. Baka magpatangay na naman siya sa silakbo ng damdamin niya. Hindi makabubuti kung patuloy siyang mapapalapit dito dahil palaging nabubura ang katinuan ng isip niya. Napakadali para sa kanya ang makalimot tuwing nasa malapit lamang ito. Tila malapit na siyang mabaliw dahil sa lalaking ito.
Napapitlag siya nang bigla nitong hawakan ang braso niya. “I said I’ll bring you home.”
Agad niyang inalis ang kamay nitong nakahawak sa kanya dahil pakiramdam niya ay napaso siya. Bakit ba
