NAGHAHANDA na sina Margarette at Ross pauwi nang bigla na lang bumuhos ang malakas na ulan. Masyado iyong malakas at ang sabi ni Logan ay patilain muna nila iyon bago sila ihatid nito pauwi.
Pero mukhang hindi agad iyon titila kaya inantok na si Ross; dahil din yata sa pagod at kabusugan.
“Dito na lang kayo matulog,” alok ni Logan. “Kawawa naman ang bata.”
“Wala siyang pamalit.” Inayos niya ang ulo ni Ross sa braso niya. Nakikita niyang pilit nitong nilalabanan ang antok ngunit malapit nang tuluyang pumikit ang mga mata nito.
“We shopped for clothes earlier.” Inabot ni Logan ang ilang mga paper bag. “Sige na, dito na lang kayo matulog. Wala ka namang trabaho na aalalahanin bukas. Occupy the guest room. I’ll behave, promise. Ihahatid ko kayo nang maaga bukas.”
Tumingin siya sa bintana
