NAGMAMADALING nagtungo si Margarette sa opisina ni Logan. Pilit na pinipigilan niya ang inis. Naiinis siya kay Jay na hinahayaan pa ring sumama-sama si Ross kay Logan. Naiinis siya kay Logan na giliw na giliw sa anak niya. Naiinis siya sa anak niya dahil tila mahal na mahal na nito si Logan. Labis siyang naiinis sa sarili niya dahil hindi niya mapigilan ang excitement sa kanyang puso dahil muli niyang makikita si Logan. Pagdating niya sa palapag kung saan naroon ang mga opisina ay kaagad siyang sinalubong ng isang lalaki.
“This way, Ma’am,” anito habang inaakay siya patungo sa isang silid.
Lalo siyang nainis dahil tila inaasahan na siya ng mga ito patungo roon. Sandali lang siyang nawala dahil may job interview siya. Ipinagbilin niya si Ross sa yaya nito at sinabing kung maaari ay huwag
