NANGILID ang luha ni Nicolette na naigala ang paningin sa kabuoan ng white mansion nila dito sa Zambales. Nasa tabi naman nito si Lucas na nakaalalay sa kanya. Hindi maipaliwanag ni Nicolette ang emosyong nadarama na ngayon ay nasa harapan na sila ng matatawag niyang tahanan. Magkahawak kamay namang lumabas si Don Antonio at Nicole kasunod ang mag-amang Anton at Andrew na napalapad ang ngiti na makitang nandidito na ang mga hinihintay nila!
“Welcome home, hijo, hija!” masiglang saad ni Don Antonio sa mga ito.
“Mama! Papa!”
Parang batang tumakbo si Nicolette na sinalubong ang mga magulang niya. Natawa naman ang mga ito na sinalubong ng mahigpit na yakap ang anak nilang ilang araw ding nalayo sa kanila!
“Namis ko po kayo, Mama, Papa!” maluha-luhang saad ni Nicolette na kumalas sa mga i
