Matagal pa naman ang simula ng taping pero may mga acting class kami lalo at bigatin daw ang palabas. Maraming nagsasabi na suwerte ako dahil nakakuha agad ako ng magandang role kahit baguhan. Pakiramdam ko tuloy de-numero ang galaw ko kaya kahit nasa unit ay panay ang script reading ko. Katulad ngayon, nag script reading kami ni Emil sa sala.
Nakahiga ako sa binti ni Emil habang nagbabasa ng script. Mayroon din siya dahil nag-print ako.
“Ikaw ‘yong lalaki uli,” sabi ko. Kagabi ay siya ‘yong bidang babae kaya puro tawanan kaming dalawa. Ang maskulado ng boses para sa babae.
“Sino si Alfonso?”
“Yep, go na tayo.”
Tumango-tango naman siya.
“Emil—”
“Alfonso,” aniya.
“Ay!” Natawa ‘ko, ayon nagkatawanan na naman kaming dalawa.
“Seryoso na,” sabi ko.
Tumango siya, kaso nangingiti na na
