HALOS lahat ay masaya nang idiniklara ng korte na not guilty si North. Hindi rin ito matatanggalan ng lisensya sa pagiging abogado nito dahil nang mangyari ang aksidenteng ‘yon ay estudyante pa naman ito.
Naiiyak na napayakap na lang siya kay Mommy Noreen.
"Thank God. My son was not convicted. Makakalaya na ang anak ko." naiiyak dinna sabi ni Mommy Noreen.
Lumapit din si Daddy Thaddeus sa kanila. Kumalas na rin siya sa pagkakayakap sa ginang para bigyan naman ng pagkakataon ang mag-asawa.
Yumakap si Mommy Noreen sa asawa nito.
Nang maalala niya si Selena ay kaagad niya itong hinanap.
Natigil lang siya saglit nang makita niyang pinagkakaguluhan si North ng mga pinsan nito. May mga reporter rin at in-interview ang mga ito. Hindi naman ang mga ito agresibo, hindi gaya roon sa mga report
