NAPATAYO si Serena habang tumutulo ang masaganang luha sa mga mata niya. Ang laki ng pinagbago ng hitsura ni North. Ang dati nitong mga mamahaling suot, ngayon nakasuot na lang ito ng kulay kahel na round neck t-shirt at kupasing maong pants.
Mas lalong nahabag siya sa asawa nang makita niyang nakaposas ang dalawang kamay nito sa harap.
At kung may hindi man nagbago ngayon sa hitsura nito ay ang mga mata nitong nakatingin sa kaniya. Puno pa rin iyon ng pagmamahal pero may halo na iyon ng pangungulila.
Sobrang na-miss din niya ito. She misses him so much that it hurts!
“N-North,” garalgal ang boses na sambit niya at akmang lalapitan na sana niya ito nang umiling ito sa kaniya. Ayaw siya nitong lumapit dito. Mas lalo siyang nasaktan.
“Serena, you can’t come near him,” paalala ni Ze
