NAGISING si Serena na magaan ang pakiramdam. Bumangon siya at napatingin sa bintana. Mataas na ang sikat ng araw. Wala na rin si North sa kaniyang tabi. Malamang nasa labas na iyon at nakaharap na naman sa laptop at cell phone nito.
Lagi ring pabalik-balik sina Zephieru at Chad dito lalo na kapag may inuutos si North sa mga ito. Madalas pa ang mga itong nag-uusap ng seryoso.
Alam niyang tungkol iyon sa kaso niya pero mukhang ayaw naman siya ng mga itong isali. Madalas kasi niya ang mga itong nahuhuli na bigla na lang iniiba ng mga ito ang usapan kapag lalapit siya sa mga ito.
Malalim siyang napabuntonghininga. Isang linggo na rin ang nakalipas simula nang makauwi siya galing sa hospital. Isang linggo na rin niyang kinukumbinsi si North na umuwi na ito ng Maynila para hindi na ito mahi
