WALA NG Daddy Ninong akong nakita ng bumaba ako ngayong umaga. Nalaman ko na maaga pala itong umalis. Batid ko na sa mga susunod na araw ay wala na rin akong makakasabay na kumain na Daddy Ninong. Ang ikinatatakot ko lang ay ang naging topic namin ni Jonah.
Na paano raw kung malaman ko na may girlfriend na ito?
Sa totoo lang hindi ko alam ang magiging reaksyon ko. Ngunit ang tamang reaksyon naman ay dapat masaya ako at suportahan sila. Pero kung totoo ang mga tanong at scenario na binigay ni Jonah, posibleng iyon ang dahilan ng pag-iwas niya.
Ang kaso lang naguguluhan ako. Saan ka naman nakakita ng may love life pero stress at parang laging sinakluban ng langit at lupa?
“Asussss! Ayaw mo lang na paniwalaan na possible na may girlfriend na si Hammer! Gusto mo kasi ikaw.” usig ng akin
