Brixton’s POV
Naalimpungatan ako ng maramdaman ko na parang may kumagat sa leeg ko kaya mabilis akong bumangon at kaagad na dinakot ang insekto na kumagat sa balat ko.
“s**t! Ang sakit.” Ang nasambit ko saka kinamot ang aking balat.
Ngunit bigla akong natigilan ng napansin ko na nasa ibang lugar ako kaya inilibot ko ang aking paningin sa buong paligid at wala akong ibang makita kung hindi pawang mga nagtataasang puno.
Madamo sa bahagi na kinaroroonan ko at wala man lang akong matanaw kahit na isang bahay.
Pamilyar ang lugar na ito sa akin dahil sa lugar na ito natagpuan ang katawan ni Remz at sa lugar rin na ito tinapon ang katawan ng batang babae na mahigit tatlong taon na ang lumipas.
Napa-hawak ako sa aking ulo ng nakaramdam ako ng kirot sa sintido, sinubukan kong tumayo kahit m
