"Hiyasmen.... Anong nangyayari sa iyo!?" singhal ni Selena kay Hiyasmen ng maabutan niya itong hirap na hirap na tumayo sa comfort room ng kanilang kwarto.
"Tulungan mo ako, tulungan mo ako dito. Hindi ako makatayo," mahinang tinig ni Hiyasmen sa kanyang kaibigan.
Naabutan ni Selena si Hiyasmen na nakahandusay sa lapag ng comfort at pinipilit tumayo.
"Magtatawag ako ng katulong, o si Adrian na lang, wait umupo ka lang diyan," saad ni Selena na bakas sa mukha nito ang pagkataranta.
"No!!! Huwag kang magtatawag ng kahit sino. Tulungan mo na lang akong tumayo dito," utos ni Hiyasmen at medyo lumakas na ang kanyang boses.
Agad naman inalalayan ni Selena si Hiyasmen upang makatayo at dinala nito Sa kama upang makaupo.
"Sandali, may tubig ba dito sa refrigerator ninyo? Kukuha lang ako
