Sinadya ni Adrian na umalis ng madaling araw upang hindi malaman ni Hiyasmen na tutungo pa rin siya sa bahay bakasyonan ni Carlota Moreno, sa Manila, na nagbabakasakaling naroon ito ngayon.
Nag init ang ulo ni Adrian ng makita niya ang ilang kotse na ginagamit ni Carlota, kapag naririto ito sa Pilipinas na nakaparada sa labas ng bahay nito.
"Papasukin ninyo ako! Gusto kong makausap ang amo ninyo!" singhal nito sa gwardiya nito na nakabantay sa gate.
"Sir... Sandali lang po, pinapaalam po muna namin kay madam Carlota, kung kilala niya kayo. Huwag po sana kayong gumawa ng ingay o mag iskandalo man lang dito," saad ng gwardiya kay Adrian habang pinipigilan siyang pumasok.
"Anong ginagawa mo dito!?" mataray na tanong ni Carlota, nang lumabas ito.
"Hindi ka pa ba nakuntento sa pananakot
