CHRIS Controlling? Hindi ko naman sinabing controlling siya, bakit naman niya naisip yun? Tinawagan ko si Calai, pero naka off ang phone niya. Baka walang signal, baka low batt. Susubukan ko na lang ulit mamaya. Masama ang loob ko sa nasambit kong mga salita kay Calai. Hindi ko gustong maliitin ang pagiging independent at able niya. Kung tutuusin ay proud ako dahil wala akong kahit na anong problema sa mapapangasawa ko. Hindi ko maintindihan kung bakit nakaramdam ako ng selos noong makita ko ang closeness nila ni Austin, at kung bakit bigla akong naging hindi kumportable sa kanyang independence. Siguro kasi natakot ako. Natatakot ako na kaya naman ni Calai kahit wala ako. At alam kong maraming lalaki ang magkukumahog na makuha siya if I make the mistake of letting her go.
Magaan na ang
