CHAPTER 34
"Amber!" sigaw ko sa kanya at sinalubong ko rin siya ng yakap. Yumuko ako ng kaunti para mas mayakap ko pasiya ng mabuti. May ngiti sa kanyang mga labi si Nanay at naglakad ito papunta sa aming dalawa ng kapatid ko. Pagkatapos kong yumakap sa kapatid ko ay sinunod ko namang yakapin ang Nanay ko. Maluha- luha pa ang kanyang mga mata nang yakapin ko siya. Halatang miss na miss na rin ako nito.
"Anak, buti naman at nakauwi ka ngayon. Pinayagan ka ba ni Mayor?" tanong nito sa akin pagkatapos ko siyang yakapin. Tumango naman ako sa kanya at ginulo muna ang buhok ng kapatid ko bago ko siyang sinagot.
"Opo, Nay. Lahat po ng mga katulong doon ay nakaalis na po. Bukas pa po ako babalik doon sa bahay nila Mayor, Nay." mas lalong lumapad ang kanyang mga ngiti.
"Mabuti naman kung ganoon
