CHAPTER 56: I'm sorry (Part 1)
Mga ilang minuto akong nanatiling nakaupo rito at naisipan ko ng pumasok sa loob.
Nadatnan ko pa ang dalawang maid sa kusina at dumiretso na lang ako sa kuwarto ko. Nang makarinig ako ng ingay ay agad naman akong lumabas. Nagmumula iyon sa sala at nakita ko sila Shaira at Ian.
“Hi, Ris!" Masayang sabi ni Ian at senenyasan akong lumapit sa kanila.
Bakit kaya nandito pa sila? Hindi naman sa ayaw kong nandito sila pero sa tingin ko ay dahil sa nangyari, hindi na sana sila makakapasok o makakadalaw pang muli kay Stephen.
Mukhang may pinagtatalo silang dalawa pero sa huli ay tumatawa. Madaling sabihin na nagbibiruan sila sa isa't isa.
Mapapansin na masaya sila kaya naisipan kong sumali sa kanila at baka malaman ko kung ano ang dahilan ng kanilang kasiya
