THIRD PERSON’s POV
HIND na maipaliwanag ni Rein ang nararamdaman niya ng mga sandaling ‘yun. Halos lima na oras na siyang nasa loob pa rin ng balon na ‘yun simula nang magkamalay siya at hindi pa kasama noon ang oras na wala pa siyang malay. Nanginginig na ang kaniyang labi dahil ramdam na ramdam niya na ang lamig sa buong katawan niya idagdag pa ang wala pa ring tigil na pag ulan. Hindi niya na rin halos maramdaman ang kaniyang dalawang paa sa may ilalim ng tubig dahil sa matagal na pagkakababad no’n. Nangangamba na rin siya dahil napapansin niya na ang pagtaas ng tubig ng balon, kung kanina lang ay halos nasa bewang pa lang niya ang taas no’n… ngayon naman ay halos nasa ibaba na nang dibdib niya ang tubig. Kapag nagpatuloy pa rin ang pag ulan ay siguradong tataas pa nang tataas ang tubi
