Chapter 20
Jennifer
Pagkatapos ng seryosong linggo sa opisina, sinigurado kong may araw akong ilalaan para kay Katrina. Matagal na naming hindi nagagawa ‘to. Ang mag-spend ng oras na walang iniisip na trabaho, pamilya, o kung anumang komplikadong bagay.
"Kumain tayo sa labas," yaya ko sa kaniya pagkagising namin.
"Talaga? Hindi instant noodles lang? O kaya takeout?" nanlalaking mata niyang tanong habang nakangisi.
"Grabe ka. May budget naman ako kahit kaunti. Tsaka... deserve natin 'to, 'di ba? At bawas-bawasan muna ang pagkain ng instant noodles. Hindi healthy 'yon sa kalusugan," sabay kurot ko sa pisngi niya.
"Okay!" Tumili si Katrina, agad tumakbo papunta sa banyo para maligo. Sa loob-loob ko, masarap pala sa pakiramdam ‘yong simpleng makita siyang masaya.
Nag-ayos na rin ako ng
