MAKAILANG-ULIT na binasa ni Theia ang nakasaad sa maliit na card. Pinagtataka niya kung paano nalaman ng kung sino man na nagpadala ng kahon ang tungkol sa kasal nila ni Rome.
“Anong gagawin mo ngayon, Lady Theia,” wika ni Ella sa kanya.
“Hindi ko alam, Ella,” aniya.
“Paano si Master Rome, ipapaalam ba natin sa kanya?” dagdag na tanong nito.
“Huwag na muna, Ella. Ako na ang bahalang umalam ng totoo,” wika niya.
“Sige, Lady Theia,” saad nito sa kanya.
Napabuntong-hininga siya. Kailangang malaman niya kung sino ang nagpadala ng kahon na hawak-hawak niya.
UPANG mawala ang isipan niya sa pag-aalala ay iginugol nila ni Ella ang kanilang oras sa pag-aayos ng bahay.
“Lady Theia, papunta na sila Valentin,” sabi ni Ella sa kanya.
“Ella, tayo lang ang nandito kaya Theia na lang itawag mo s
