Akarie
Pagkababa ko ng taxi na sinasakyan ay nag-angat ako ng tingin sa malaking building na nasa harap ko.
Madrigal Enterprises.
Basa ko sa nakasulat sa itaas ng building. Gaya ng sinabi ko ay pinuntahan ko si Alaric dahil gusto ko siyang kausapin.
Alam ko ang address ng kompanya niya dahil nabasa ko iyon ng minsang in-instalk ko siya sa social media. Kaya noong napagpasyahan ko siyang kausapin ay dumiretso na ako sa kompanya niya kung nasaan siya.
Humugot ako ng malalim na buntong-hininga nang humakbang na ako papasok sa loob ng building. Pagpasok ko pa lang ay agad kong naramdaman ang lamig ng aircon sa aking balat. Dumiretso naman ako sa paglalakad hanggang sa huminto ako sa harap ng reception area para magtanong kung saan ko makikita ang opisina ni Alaric.
At nang malaman k
