GELLA
Ibinuka ko ang isa kong mata para tignan ang labas sa glass window. Madilim-dilim pa. Tamad akong gumapang sa kama para maabot ang switch ng ilaw. Nang masindihan ko ito ay bigla akong napapikit sa hapdi na dulot ng liwanag sa mata ko. Dahan-dahan akong tumingala para tignan ang wall clock—5:25 ng umaga. Mahigit apat na oras lang ang tulog ko pero may lakas na ang katawan ko. Sanay ako sa puyatan at maagang paggising dahil iyon ang naging buhay ko noong nagtitinda pa ako sa karinderya. Umupo ako at napatingin ako sa ayos ng kamay ko. Nakayakap ako sa cap na ibinigay ni Sir Gio. Naihagis ko siya sa sahig sa tindi ng pagkabigla ko.
“s**t, s**t! Bakit ko ito yakap-yakap???” Sabi ko sa sarili ko.
Daglian akong tumayo at nag-ayos sa kama. Nang maitupi ko na ang kumot ng maayos ay pinul
