GELLA
“S-salamat… Merry… Christmas.” Kumukurap na sabi ni Sir Gio at naubo pa ng kaunti sa pagsayad ng kanyang boses.
Sa sobrang hiya nito ay napadukot siya ng tuyo sa pinggan gamit ang dalawang daliri. Kitang-kita ko ang kunot niyang noo at namumulang pisngi. Pigil na pigil ang paghinga ko sa mga oras na iyon dahil isang pitik na lang ay mapapahalakhak talaga ako sa taliwas na reaksyon ng kanyang mukha. Alam kong tinablan siya sa ibinigay kong simpleng regalo ngunit bantay-sarado talaga ang puso nito.
“Tinatanggal ba ang ano… yung kaliskis bago kainin tama?”
Nakatuon ang mata nito sa hawak niyang tuyo na nagtanong sa akin.
“Puwede naman Sir kainin yung kaliskis. Medyo maalat nga lang po.”
“Ganun ba…”
Binitawan niya ulit ang tuyo. Huminga ako ng malalim. Para akong nagpapakain ng
