ANDREA
Inikot-ikot ko sa daliri ko ang buhok kong inayos ng aking stylist at pina-alon-alon sa palad ko. Sinipat ko ang bawat anggulo ng mukha ko para i-check kung maayos ang pagkaka-make up sa akin.
“How long do we have to wait here? Paskong-Pasko ay nandito tayo sa pipitsuging mall na ito.” Naiiritang sabi ni Melissa, ang kaibigan ng asawa kong news anchor.
Inikot ko ang swiveling chair na inuupuan ko para harapin ang babaeng madaldal sa tabi ko.
“I wonder, too. Lahat na lang ng sabihin ng asawa ko, sinusunod mo. Hindi kaya… You want a piece of my hubby?” Nakangiti kong tanong sa kanya ng may kasamang tinik sa tono.
Umirap si Melissa sa akin at nagde-kuwatro ng upo.
“I don’t have the appetite to taste a man who belongs to someone else. I don’t like sharing.”
“Well then, why both
