Mabilis ang pintig ng puso ko habang papasok ako sa opisina ni Ram. Lumunok muna ako bago pinihit ang seradura at dahan-dahang isinara ang pintuan. Actually, hindi naman kailangan dahil kusa namang sasara iyon. Hindi ko lang talaga alam kung bakit ba ako kinakabahan, eh, wala naman akong ginagawang masama.
“Bakit hindi pa kayo nagpapakasal ni Zendie hanggang ngayon?” nahinto ako sa kalagitnaan ng paglalakad ko papunta sa lamesa ko dahil sa tanong niyang iyon. Kumunot ang noo ko. Hindi niya alam? Kaya nga nagkautang-utang si daddy dahil nag-pull out sina tito Harrison. Tapos hindi niya alam iyon?
“Ano’ng ibig mong sabihin?” balik-tanong ko sa kaniya. Siya naman ang may pagtataka sa mukha ngayon. Nakaramdam tuloy ako ng inis. Ngayon pa ba siya magpapanggap na walang alam gayong kagagawan n
