NOVEL'S POINT OF VIEW
Pagkatapos ng meeting patungkol sa commercial shoot ay umalis din kaagad ang direktor dahil may emergency daw. Habang ang ilan na man na parte rin dito ay nagsisimula na ring magpaalam. Kaya inayos ko na rin ang sarili at uminom ng tubig pagkatapos ay tumayo na rin at yumuko.
“Aalis na rin po ako, salamat po,” saad ko nang malumanay at saka nagsimula na akong maglakad papalayo. Pagkalabas ko ng restaurant ay siya ring pagkawala ng mabigat na pakiramdam sa paligid ko. Tila ngayon lamang ako ulit nakahinga nang maluwag.
“Novel!” Napatigil lamang ako noong narinig ko ang pagtawag ng aking ina-inahan. Hindi ko alam kung lilingon ba ako sa kaniya o hindi at magpatuloy na lamang sa paglalakad palayo. Pero kalaunan ay napalingon na rin ako lalo na noong naririnig ko ang
