Kumunot ang noo ko. Pagkatapos ay humakbang pa talaga ko papalapit sa mga tauhan ng lalaki. Tila nakakita sila ng multo at halos takpan din ang mga mata nila.
Si Talong naman ay lalong na mula ang mukha. Habang nanlilisik ang mga mata. Siguro'y gustong-gusto na nitong kuhanin sa akin ang damit na suot ko.
“Oh! Heto na ang damit mo, isaksak mo sa baga mo!” bulalas ko. Sabay salpak sa dibdib nito. Bumaling naman ako sa mga tauhan ng lalaki. Balak ko pa sana silang lapitan nang may humila sa kamay ko.
“Huwag na huwag kayong titingin!” narinig kong pagbabanta ni Talong pagkatapos ay bigla akong binuhat.
“Hey! Ano bang problema mo, Puti?!” pasigaw na tanong ko kay Talong.
“Napakapasaway mo talaga, Maya!”
“Wala naman akong ginagawa, ah!” sigaw kong muli. Hindi naman ako makagalaw dah
