Naiwang luhaan si Bert sa kanyang kinatatayuan. Hindi niya magawang maigalaw ang kanyang mga paa habang pinapanood ang unti-unting pagkawala ng pigura ni Vangie. Hindi na niya alam ngayon kung ano ang kanyang gagawin. Mula noong umalis ang dalaga ay araw-araw niyang hinintay ito. Umaasa siyang patatawarin siya nitong muli. Ngunit wala na. Tuluyang nang namuhi sa kanya si Vangie.
Pinunasan niya ang kanyang mga luha at lumingon kay Shane. Nakatanaw din ito kay Vangie. Ang kaibahan nga lang sa kanya ay nakangiti pa ito at para bang nasisiyahan sa pag-alis nito. Agad na nag-init ang ulo ni Bert. Nilapitan niya ito at marahas na hinawakan sa braso, saka hinila pabalik sa bahay.
“Ahh! Dahan-dahan naman, Bert!” reklamo ni Shane. Halos madapa na kasi siya dahil sa ginagawang paghila sa kanya n
