Lumipas pa ang mga araw ay naging mas malalim pa ang naging relasyon nina Bert at Vangie. Halos araw-araw ay nasa bahay ni Vangie si Bert at binibisita siya. Madalas ay doon na nga ito natutulog at halos hindi na umuuwe. Palagi na ngang inaasar si Vangie ng kaibigan niyang si Sheila. Sinasabihan siya nito na parang nagdadalaga muli dahil noong nagkukwento siya ay namumula pa ang kanyang mga pisngi. Hindi naman siya tumanggi dahil sang-ayon naman siya roon. Mula noong maging magkarelasyon sila ni Bert ay pakiramdam niya bumata siya ng ilang taon.
“Ha? Ano’ng sabi mo?” gulat na tanong ni Vangie kay Bert. Kasalukuyan silang nananaghalian sa kanyang tindahan.
“Sabi ko, dito na lang kaya ako tumira.”
Ibinaba ni Vangie ang hawak niyang kutsara ar tinitigan nang mariin ang nobyo. “N-Na iinti
