Halos mabingi si Vangie sa saliw ng malakas na tugtugin na nagmumula sa mga naglalakihang speaker. Hindi na rin mahulugan ng karayom ang dance floor dahil sa rami ng mga sumasayaw roon. Dinala kasi siya ni Sheila sa isang bar sa BGC. Umupo sila sa pinaka dulong parte ng bar. Nagpaalam si Anton para kumuha ng kanilang maiinom.
“Bakit tayo nandito, Sheila? Hindi na tayo bagay sa mga ganitong lugar!” Halos pasigaw si Vangie sa kanyang pagsasalita para lang marinig siya ni Sheila.
Umiling-iling si Sheila. “Ano’ng hindi bagay? Tingnan mo nga ‘yang mga sumasayaw? Mas magaganda pa tayo at sexy sa mga ‘yan eh!”
“Eh kahit na–” Natigil ang kanyang pagsasalita dahil hinarang ni Sheila ang isang daliri sa kanyang bibig.
“No. Andito tayo para makalimutan mo ang lalakeng ‘yon! Ang daming boylet
