Sa tingin ni Vangie ay isang masayang pamilya naman sila Bert. Base rin sa mga kinukwento nito sa kanila, nirerespeto ng mga magulang nito ang mga gusto ni Bert. Ngunit hindi pa rin maiwasang makaramdam ng pagkailang si Vangie. Kahit kasi nagtatawanan sila at masaya siyang kinakausap ng mga magulang ni Bert ay hindi pa rin mawala ang pagkailang niya.
Hindi ito ang unang beses niya na humarap sa pamilya ng kanyang naging nobyo. Pero parang walang pinagbago. Kakaiba nga lang ngayon dahil hindi na siya isang dalaga lang noon.
Tumikhim si Boyong. “Paano pala kayo nagkagustuhan nitong si Bert, Vangie?” tanong niya.
Natigil sa pagsubo si Vangie at napangitin kay Boyong. Pagkatapos ay tumingin siya kay Bert na kumakain. Para bang hindi manlang ito nag-aalala sa sitwasyon nilang ngayon. Sama
