Sa araw-araw na lumipas kila Vangie ay naging lubos ang kaligayahan niya. Naging panatag na ang kanyang pakiramdam dahil tanggap na tanggap siya ng mga magulang ni Bert. Kagaya ng pangako ng ina nito ay itinuring din siyang anak ng mga ito. Isang beses sa isang linggo ay napunta silang dalawa sa bahay ng mga magulang nito at doon kumakain. Request iyon ni Lucia sa kanilang dalawa.
Kasalukuyang nagluluto si Vangie ng kanilang hapunan. Nag-request kasi sa kanya ng sinigang na hipon si Bert. Umuwe pa nga ito noong tanghali para lang ihatid ang naglalakihang isang kilong mga hipon. Halos isang buong palad niya ang isang piraso. Pulang pula rin iyon at kung titingnan pa lang ni Vangie ay kumakalam na ang kanyang tiyan.
“Ma, kumusta na pala ang schedule mo?” tanong ng panganay ni Marica kay
