Nagmamadaling naglakad papalayo si Vangie. Hindi niya kinaya ang mga sinabi ni Shane. Pakiramdam niya tuloy ay hindi siya karapat-dapat para kay Bert. Ano bang mali sa kanya? Totoo naman ang nararamdaman niya para sa binate. Kahit na mas matanda siya rito ay hindi naman ibig sabihin no’n ay hindi na siya totoo. At una sa lahat ay ito ang unang nagbigay sa kanya ng motibo! Sunod-sunod na tumulo ang mga luha ni Vangie.
“Ang tanga mo kasi! Bakit mo kasi pinatulan mo pa?” pagalit na sabi ni Vangie. Patuloy lamang siya sa paglalakad hanggang sa makarating siya sa may magubat na parte ng beach. Natigil siya sa paglalakad. “Bakit ba kasi nakinig din ako sa mga sinasabi ng babaeng ‘yon? Haist!”
Muling napaluha si Vangie. Tanggap naman niya hindi siya ang una kay Bert. Kahit naman ito ay hindi r
