Kinabukasan ay maagang nagising si Bert para puntahan si Vangie. Hindi na kasi siya nakaalis sa ospital. Gabi na noong dumating ang mga magulang ni Shane. Tapos hindi pa tumigil si Shane kakaiyak noong nagpapaalam siya. Dahil na rin sa pakiusap ng nanay nito ay wala siyang nagawa kundi ang manatili sa ospital. Habang andoon siya ay hindi binibitawan ni Shane ang kanyang braso. Nangingiwi siya sa mga oras na iyon. Kung hindi lang talaga babae ito ay kanina pa niya nasaktan. Hindi niya makalimutan ang sakit sa mga mata ni Vangie. Ni minsan ay hindi niya ginusto na masaktan si Vangie.
Aaminin niya, nagsinungaling siya sa kanyang nobya. Hindi niya sinabi noong gabi na nagpunta siya sa pista ay nakita niya rin si Shane. Natigil sa pagbuhos ng tubig si Bert at napapikit ng mariin noong maalala
