Umalingawngaw ang malakas na tili ni Vangie sa buong paligid noong saluhin ng malamig na tubig ang kanyang katawan. Agad na nanuot sa kanyang katawan ang malamig na tubig noong mabasa ang kanyang buong katawan. Nagtinginan sa kanila ang mga taong nasa dalampasigan pa rin kahit dis oras na ng gabi.
“Nakakainis ka, Bert!” sigaw pa ni Vangie.
Tumawa nang malakas si Bert. “Whoa! Ang sarap ng tubig pero mas masarap pa rin ang asawa ko!”
Nanlaki ang mga mata ni Vangie. Napalingon siya sa mga taong na sa dalampasigan. Nagtatawanan na ang mga ito habang nakatingin sa kanila. Ang iba ay nakangiti lamang. Napangiwi si Vangie sa sobrang kahihiyan. Lumapit siya sa nobyo at hinampas ito nang mahina sa dibdib.
“Ang ingay mo!” pabulong na sabi niya rito.
Ngumisi lang si Bert at kinabig si Vangi
