Wala sa sarili na naglakad si Vangie papalayo sa farm ni Bert. Nagmistulang sirang gripo ang kanyang mga mata. Wala kasing tigil ang kanyang mga luha sa pag-agos. Hindi siya makapaniwala na talagang nagsinungaling sa kanya si Bert. Gusto niyang paniwalaan si Bert. Pero the fact na hindi nito sinabi na magkasama sila noong pista ay ibig sabihin mayroon itong tinatago. Hindi naman siya tanga para hindi iyong maunawaan.
“Ang tanga-tanga mo kasi, Vangie. Bakit kasi masyado kang nagpalinlang? Dahil ba mabait siya? Diyos ko! Ang tanda-tanda mo na ay naloko ka pa rin!” aniya. Para na siyang baliw na kinakausap ang sarili. Pero wala siyang pakealam. Ang bigat-bigat ng kanyang pakiramdam, at hindi niya alam kung paano iyon gagaan.
“Vangie!”
Natigil si Vangie sa paglalakad nang may marinig siya
