[Anastasia's POV]
Wala akong imik habang panaka-nakang sumisilip sa akin si Dylan. Gustuhin ko mang magsalita ngunit mas pinili kong manahimik dahil alam kong tatanungin lamang niya ako tungkol sa press conference na pinuntahan ngayon ni Lexus upang mabigyang linaw ang biglang pagkalas ng top designer nito mula sa kontrata sa De Luxe Luna.
Hindi niya nga ako hinayaang pumunta ng board meeting noong nakaraan dahil alam niyang maghahamok lamang ang kaniyang ina doon tulad nang ginawa nito sa kaniyang opisina kamakailan lang.
"Mind your own business, Dylan." Pinagmasdan ko ang nangingitim nitong mga mata at napailing. "Para kang ginahasa ng sampung kabayo sa lagay mo. Saan ka na naman ba nagtago ng ilang araw?"
Sinimangutan niya ako pero ang kyut pa rin nitong tingnan. Hindi ko alam kung
