"Naniniwala ka ba talagang ginawa ng apat ang pagkitil sa buhay ng mga batang kauri natin, Yfraim?" tanong ni Ryuk sa kapatid.
Nandito sila sa isa sa silid ng citadel na pinaliligiran ng mga mandirigmang lobo sa labas upang walang makapasok na kahit na sino. Ang pag-uusap nilang magkapatid na pribado ay kailangan lalo na sa katatapos pa lang na delubyo na kinaharap nila.
"Ikaw, kapatid, ano sa tingin mo ang tunay na nangyari? Naniniwala ka bang magagawa nila Leron ang bagay na iyon?" balik tanong ng hari sa kapatid.
"Hindi. Bukod sa alam natin ang bloodline ng magpinsan ay naniniwala ako sa sinabi ni Leora na kasama niya rin si Gray nang gabing maganap ang pagpatay. Kilala natin si Leora, Yfraim... Hindi niya kailanman pinanigan ang masama."
"How about Aurora? Paano ang sinabi nila n
