LEAN MACAROV
Pinayagan nila akong bisitahin si Shouma bago kami umalis pabalik ng Academy. Kumatok ako sa pinto ng isang kwarto sa loob ng kastilya. Binuksan ko ito at lumingon ang mga tao sa akin.
Ngumiti ang dalawang bata at tumili nang makita ako, pumasok ako sa loob at mabilis silang tumakbo palapit sa akin at niyakap ako ng mahigpit.
"Shouma" mahina kong sabi. Ang higanteng si Shouma ay nakaupo sa higaan, may mga nakabalot na bandeha sa kanyang katawan at sa kanyang ulo. Ngumiti siya sa akin, mas pinakita ang nag-iisang malaking ngipin niya.
Nagkakalat ang mga dilaw na bulaklak sa higaan nila. Yung binata na nakita kong dala ang mga bata ay nandito din, nginitian niya ako.
"Maraming salamat," sabi niya "dahil sayo mas napadali ang mga buhay namin, pinalitan na ang chief ng bayan
