LEAN MACAROV
Napatili ako nang biglang may nagsalita sa tabi ko. Ganon din ang nangyari kay Tracy at Shane, sa kaliwa ko, may matandang babae na nakatingin sa akin gamit ang malalaki at mapanghusga niyang mga mata. Mas maliit siya sa akin pero dahil ito sa pagyuko niya at pag-abante ng mga balikat niya dahil sa katandaan. May malaki siyang nunal sa kanan na pisngi niya at namumuti na ang mga buhok niyang nakatali sa isang bun sa tuktok ng ulo niya.
"Yan nalang ang natitira sa mga gawa niya," sabi niya gamit ang namamaos niyang boses "Yan ang pinakamaganda niyang nagawa bago siya nawala."
"Nanay--" biglang lumapit si Tracy sa amin
"Wag mo akong i-nanay, hindi kita anak" napaawang ang bibig ni Tracy pagkatapos siyang sungitan ng matanda. Tumikhim ang matanda at marahan na inayos ang bu
