LEAN MACAROV
"Bakit mo sila pinayagan na sumugod?!"
"Nawawala ang dalawang bata! Siya ang kumuha sa kanila!"
"Hindi nga kayo sigurado!"
"Trabaho niyo ang paalisin ang Shouma na iyan pero natulog lang kayo!"
Napabalikwas ako ng gising, narinig ko ang salitang Shouma. Tiningnan ko ang paligid, wala na ang mga kasama ko. Mabilis akong lumabas ng bahay, nakita ko ang mga kasama ko na nakikipagsigawan sa chief ng village. Tumakbo ako palapit sa kanila.
"B-bakit? ano ang nangyayari?" natataranta kong tanong. Nakita ko ang pagkainis sa mukha ni Wade at ginulo ang buhok niya. Hindi umiimik ang mga kasama ko.
"Ano ang nangyayari?!" pasigaw kong tanong sa kanila. Mabigat ang paghinga ko at masama ang kutob ko.
"Pinasugod ng chief ang bahay ng Shouma dahil ninakaw nito ang dalawang bata na na
