Meisha Rivera POV
Kakatapos ko lang patulugin sina Caspian at Celestine sa kanilang nursery nang marinig ko ang malakas na boses ni Daddy mula sa library. Hindi iyon sigaw ng galit, kundi isang boses na puno ng awtoridad at pagtitimpi. Dahan-dahan akong lumapit sa pintuan, bitbit ang kaba na tila naging permanenteng bahagi na ng sistema ko nitong mga nakaraang araw.
Nakita ko si Daddy na nakatayo sa tapat ng malaking bintana, hawak ang kanyang phone. Naka-speakerphone ito, at ang boses na lumalabas mula roon ay sapat na para manginig ang sinumang empleyado ng De Vera Corporation.
"Alistair! Huwag mo akong daanin sa mga pasikot-sikot mo!" bulyaw ni Henry De Vera mula sa kabilang linya. "Ibinigay ko ang lahat kay Crane! Ang kumpanya, ang posisyon, pati ang koneksyon sa mga Lorenzo! Tapos
