CHAPTER 65 - Shot
TAGAKTAK ang pawis, humahangos, at walang tigil sa pagtakbo. Sa gitna ng malamig na gabi ay nasa ganoong tagpo ako. Ramdam ko rin ang magaspang na daan na tinatakbuhan dahil sa kadahilanang wala akong kahit na anong sapin sa paa.
Dahan-dahan na bumagal ang takbo ko nang makita ang pakay kong lugar. Dahil madilim na ang paligid ay kitang-kita ang neon lights na disenyo sa labas ng establisyementong ito.
Mukhang nang dahil sa ayos ko ay nakakuha ako ng atensiyon. Napatingin sa akin ang mga bouncer na nakabantay sa entrance. Ipinagpatuloy ko ang paglapit sa kanila ngunit bumagsak na ako sa sementadong lupa, sa tapat nila.
"Tu...tulong!" hinihingal kong sabi. Sunod-sunod ang pagbaba at taas ng dibdib ko.
Nagkatinginan ang dalawang bouncer at nang mahimasmasan sa nangyay
