CHAPTER 47 - Wedding
INILAGAY ko ang suot na salamin sa itaas ng ulo saka tumitig sa aking harapan. Pumikit ako at dinama ang pag-ihip ng malamig na hangin. Nililipad nito ang buhok at laylayan ng suot kong summer dress.
It felt so familiar...
Mabilis akong nagmulat ng mga mata nang may maramdaman sa gilid ko. Bahagya akong natigilan nang makita si Xia.
"Ang tagal mo na rin hindi nakakapunta rito sa Batangas, 'no?" aniya.
Tumango ako. "Yeah."
Kung hindi pa rito sa beach resort na pagmamay-ari ng pamilya ni Hunter gaganapin ang kasal nila ay hindi pa ako makakabalik dito sa Batangas.
Nakangiti si Xia nang tanawin ang dagat. Nakikita namin ang bawat alon nito.
Dahil may gaganapin na kasalan dito ngayon, isinara ang buong resort kaya kami-kaming guest lang sa kasal ang nandito pati na
