CHAPTER 67 - Memories
KINAILANGAN ko pang manatili nang ilang araw sa hospital para magpagaling bago pumayag ang doktor ko na i-discharge na ako. Kaya ngayong umaga ay ibabalik na nila ako sa isla.
Hindi man masama ang tama, ngunit dahil nasa kanang balikat ko ito ay nahihirapan ako sa paggalaw. Unang-una na roon ay nang magpalit ako ng damit kanina. Mabuti na lang ay may babaeng nars ang tumulong sa akin na siyang naglagay din ng support sa braso ko para hindi ito mangawit. Itinuro niya rin sa akin ang mga dapat at hindi dapat na gawin kapag lilinisan ko na ang sugat. Base sa mga sinabi niya, mukhang kakayanin ko naman kahit mag-isa lang. Baka nga lang maging mabagal.
Nang makalabas ng hospital room ko na ilang araw ko rin pinaglagyanan ay napansin ko agad sa labas nito ang dalawang pu
