CHAPTER 45 - Regret
MALAYO pa lang ay nakikita ko na ang mga kumpulan ng tao na puro mga naka-itim. Mabuti na lang sa mensahe ni Xia ay kasama roon ang address kung saan magaganap ang libing kaya matapos na dumaan sa bahay ko para maghanda ay dumeretso na ako rito.
Inalis ko ang tingin doon at nagpakawala ng kinakabahang buntong hininga. Sa totoo lang ay hindi ko alam kung paano pakikiharapan ang mga taong naroroon, pero hindi ko puwedeng palagpasin ang araw na ito... hindi puwedeng hindi ko maihatid si Domino sa huling hantungan niya.
Napatingin ako sa gilid ko nang mapansin ang isang itim na kotse na nakaparada rito. Nakikita ko ang sariling repleksiyon sa kotse.
Kagaya ng kotseng nasa gilid ko ay nakakulay itim din ako na simpleng dress, may nakasukbit na maliit na shoulder bag sa b
