AMARA:
"Salamat po, Doc," huli kong sinabi bago tuluyang umalis si Doctor Ivan. Ako na ang nagpresinta na maghatid sa kaniya paalis habang naiwan naman sa loob si Tita Celine. Si Shaq ay nanatili sa may pinto habang nakatanaw lang sa kinaroroonan ko. Pinindot ko ang code para kusang magsara ang gate saka ako tumungo sa kinaroroonan ni Shaq para daluhan siya.
Kunot ang noo niya nang tingnan niya ako.
"Nakita mo ba kung paano napalitan ng takot ang saya kanina ni Mama?"
Bumuntong-hininga ako at naupo sa may hagdanan sa may pinto.
"Kahit naman ako kinabahan sa sinabi ni Doc. Akala ko ibig sabihin niyon, e, magigising na siya."
Pumantay siya sa akin at kinuha ang kamay ko. "Lahat ng sinabi ng doktor kanina ay posibilidad pa lang, there's a no and maybe, and of course a yes. Let's claim t
