Hindi na namalayan ni Georgina na napapangiti na pala sya sa nakikita. Ang cute lang ng mag-ama. Kandong ni Adam ang anak habang nakasukbit sa balikat nito ang malaking bag na pink. Dumedede sa feeding bottle ang bata habang ipinupuyod ni Adam ang mahabang buhok nito.
Nasa police station na sila ngayon para sa kaunting katanungan kay Adam at para na rin masampahan ng kaso ang mga nahuling sangkot sa sindikato. Hindi na sila nagkaroon pa ng pagkakataon na makapag-kumustahan ni Adam kanina. Unang-una, delikado pa ang lugar na iyon at baka may mga suspect pa na nagtatago at bigla na lamang silang pagbabarilin doon. Pangalawa ay... para saan pa? Mukha namang masaya na si Adam sa naging buhay nito kasama si Paloma.
Ilang segundo rin silang nagkatitigan ni Adam nang mag-angat ito ng tin
