Chapter 10: Scandal
“BAKIT humahaba ang nguso mo, Gotchelle?” tanong sa akin ni Agnes nang mapansin nga niya ang pagnguso ko. Wala akong ganang magtrabaho ngayong umaga kung kaya ay siya ang inaabala ko rito sa office niya.
Nakatukod ang siko ko sa mesa niya at nakapangalumbaba pa ako habang tinitingnan ko siya. Kanina ko pa nga ito ginagawa.
“Bakit ang ganda mo ngayon, Agnes?” namamanghang tanong ko sa kanya. Kanina ko pa napapansin ang pamumula ng pisngi niya pero alam kong wala siyang inilagay roon na kahit anong blush on dahil natural na ang pagpula no’n. Maliban sa may lipstick nga siya.
“What? What kind of that question, Gotchelle?” kunot-noong tanong niya sa akin.
“Ang ganda mo. Ano ba ang inilagay mo sa mukha mo?” curious kong tanong.
“Make-up?” hindi siguradong sagot niya. A
