Kabanata 54
A T H E N A
Ilang minuto pa kaming nagkwentuhan sa phone ni Cassy bago namin naisipang putulin na ang usapan at may lakad pa daw siya ngayong araw. Tulala akong tumitig sa kisame ng aking kwarto. Pilit pa din sinisiksik sa isipan ang mga nangyari ngayong araw. Mahal niya din ako at hindi iyon pagmamahal na parang isang kapatid lang. Mahal niya ako bilang isang babae and he kissed me! Hindi yung halik na ibinigay niya sa akin kagabi na padampi lamang. Talagang hinalikan niya ako!
Hindi ko na alam kung ilang oras akong tulala lang sa kwarto ko hanggang sa magpasiya akong bumangon na at lumabas na ng kwarto. Hapon na at ginugutom na din ako. Himala nga at hindi ako kinatok ni Ares para ayaing kumain. Siguro gusto niya talaga akong bigyan ng oras para makapag-isip. Kahit naman
