SIGAW NG NAGKAKAGULONG tao ang sumalubong sa akin paglabas na paglabas ko ng kuwarto. Nagmamadaling tinungo ko ang isang panig ng kapilya na inilaan para sa mga bata. Paghawi ko ng kurtina, nakita ko sina Aling Merced at iba pang kasamahan namin na nakapalibot sa isang babae, may kalong itong sanggol.
“Tulong! Hindi makahinga ang anak ko!” umiiyak na sigaw nito.
Natatarantang hinagod ni Aling Merced ang likod ng bata. “Ano’ng nangyari?”
“Hindi ko alam! Saglit lang akong nakatulog. Paggising ko, nakita kong nahihirapan na siyang huminga!”
Namumula ang mukha ng sanggol. Mataas ang tono at kakaiba rin ang tunog na nagmumula sa kaniyang lalamunan.
May nakaharang sa daanan ng hininga niya!
Kinuha ko siya sa kaniyang ina na nagulat sa biglang pagsulpot ko. Nag-atrasan din ang iba. Hindi k
