"Kinse anyos si Lolita ng gahasain siya ni Teodoro Torres. Doon nag simulang mag-iba ang ugali ng kapatid ko. Gusto niyang ipalaglag ang bata pero mariin namin iyong tinutulan nina Mamang. Kaya pagkapanganak niya ay ipinalabas namin na kapatid namin si Miggy." Tahimik kami ni Achi habang nakikinig sa kwento ni Pauline.
"Nagkasakit si Miggy noon at walang wala kaming pera para sa pagpapagamot niya dahil kamamatay palang ni Papang. Kaya naman naglakas loob na si Mamang na lapitan ang mga Torres para sana humingi ng kahit kaunting tulong." Tuloy tuloy ang pag-daloy ng luha sa mga mata ni Pauline habang isinasalaysay ang tunay na nangyari ng araw na mamatay ang kanilang ina.
"Pero ang hayop na Teodorong iyon! Hindi na nakuntento sa kapatid ko at pati ang nanay ko ay kinanti pa! Hindi na siya
